part 2 Bahamas - COCOCAY

البارت الثاني من تقرير السفره أحلى من الأول

من أورلاندو رحنا باهاماس و بالتحديد جزيرتين

الاولى

cococay

و الثانية

nassau

طبعا رحنالهم بالكروز

و كان اسم اللي رحنا فيها
sovereign of the seas

و هذه صورتها ( بس هالصورة مو من تصويري)

طبعا شي خيال

انا اول مره اسافر فيها عشان جذي كانت بالنسبة لي احلى سفره لانها بعيده عن الروتين الممل بكل سفر وحلو اني اقعد من النوم القى نفسي بوسط البحر

كانت غرفتنا فيها بلكونه و البلوكنه فيها نوع من الخصوصية استانست عليها و كنت حيل احب اقعد فيها و الجو طبعا عجييييب و كافي منظر البحر

هذه صورة غرفتنا

طبعا انا من اول ما ركبتها و انا عايشة الدور اني بفلم تايتنك

هههههه

انا اقولكم ليش

قبل لا نركب الكروز

وقعونا على أوراق و قالولنا كتبوا رقم اللي تبون نتصل فيهم اذا صار فيكم شي !!!

انا اول ما قال الريال هالشي ويهي انصفق

هههه اخترعت قاعده اقوووول ويي ما تسوى علينا سفره

المهم وقعنا و حطينا رقم سفارة الكويت

و مشينا

قبل لا ندخل الكروز حاطين عند المدخل مصورين يجكجكون فينا

انا قتلكم اول مره اروح فمادري ليش يبون يصورونه

(لانهم يصورون الناس اول ما يركبون الباخره و وقت العشا و اول ما يدخلون الجزرو يبيعون الصور يعني باختصار يعرفون شلون يطلعون الفلوس)

طبعا حزتها كنت توني مخترعه فراح بالي على ان الصوره هذه عشان يطرشونها حق اهلنا اذا صار فينا شي

ههههههه حددددديييي عايشه الدور

و الصوره شريناها بعدين و الحين عندي

شكلي يموت من الضحك

ابتسامتي كانت صج مو من قلبي يبين ان وراها خوف ههههه

المهم دخلنا و كان الوضع مووو طبيعي صج صج صج حلووو

طبعا من كبرها احنا 4 ايام كل يوم نكتشف شي يديد

فيها 14 طابق

و فيها سوق

و حمامات سباحه

مسرح

و مطاعم

وااايد راقيه و حلوه

يعني انصح فيها حق ال

honeymoon

و هذه بعض الصور من كامرتي

هذه صورة الكرزو عالجنب

و هذه صورة حمام السباحه طبعا اهو فوق بأخر طابق و فوق مكشووف

(هذه اكيد مو من تصويري )

و هذه صورة الباخرة من داخل :)

و اول ما دخلنا غرفتنا نادونا و قالوا بنسوي تجربة حق حالات الطوارئ و راح نشغل الارم الطوارئ و لازم كل شخص ياخذ اللايف جاكيت ماله و يروح الطابق السابع

انا انصدمت قلت بسم الله ما مدانا ؟؟

ههههه و فعلا شغلوا جرس الانذار يخرع ههههه و طلعنا من الغرفه و معنا اللايف جاكتس و المشكله لازم نلبسهم

واااي شكلنا يضحك حده

و برا حالة استنفار الوادم كللللهم يروحون الطابق السابع

طبعا انا ساااكته ولااا كلمه و اقول بقلبي ما تسوى على سفرة

هههههه

بس عدا هالشي على خير و بعدين استكشفت الاماكن اللي بالباخره و نسيت الخرعه و استانست :)

احنا مشينا من اورلاندو 5 العصر و وصلنا ليوم الثاني

كوكوكاي

.

و هالصور بجزيرة كوكوكاي

انا عاجبني اسمها

هالجزيره شركة كروز شاريتها حقها

وااايد حلوة

هادية

و الوضع حد الاسترخاااء

و اهم شي ان فهود استانس :)

و هذه صورة الباخره من بعيد هني كنا بنرجع لها بعد ما خلصنا من كوكوكاي

***

كانت رحله ممتعة جدا استانسنا لان البحر عجييييب كافي بس شكله :)

صااافي و يشوق

و فهووود لعب بالرمل و تسبح يعني اهم شي انه غير جو :)

البارت الثالث ان شالله جزيرة

nassau

:)