اليوم مو مثل كل يوم
ولدي خلاني انام لي الظهر حددددي استانست لاني نمت عدل
امس طول الليل مجابله النت و اشرب قهوة
ما نمت الا 5 الفير
قعدت على رنة موبايلي
داقه علي وحده من بنات الغربه :)
تعرفت عليها و صارتلي اخت و صديقه عزيزة
عاد ريلها خلص و الحين بعد جم يوم بيرجعون الكويت ان شالله
سولفت معاها و حسيت اني صج راح افقدها
حسيت اننا نتشارك بالافكار و نفهم بعض :)
وايد اروحلها البيت اقعد معاها
او نتمشى برا و كل وحده فيننا تدز ولدها بالعربانه
هههه و اخر شي نخترع من اصوات الجلاب ( الكلاب) و نرجع بيوتنا
ههههه
صج صداقه افتخر فيها :)
الغربه قربتنا من بعض وايد
:)
المهم سويت الغدا
و نطرت ابونا ايي من الدوام
:)
و انا انطره كنت رافعه الشترات و اتأمل المطر
كان شكله حلوووو
اشوف الحديقه و المطر شلوووون ينزل
الوضع حده عجيييب
و طبعا رحت بخيالي بعيييييد
اول شي طرى على بالي
انا شسويت بدنيتي ؟؟
شنو الشي اللي سويته و تركت منه اثر ؟
فكرت وااايد على ما جاوبت هالسؤااااال
اكتشفت ان من زماااان ما سويت شي و احس اني حققت فيه هدف من اهدافي
وااايد لهيت
شوي و الا ولدي يايني يحبي
خذيته
لميته
من ولدته و يمكن قبل و انا نسيت وايد اشياااء بحياتي
الامومه شي حلووووو
بس لازم المرأة توازن
بين بيتها و تربيتها لعيالها و نشاطاتها الشخصية :)
هذا اللي كان يدور ببالي
لما شفت المطر
حسيت اني لازم اكون نفسه
اذا طق المطر الزرع راح ينبت
و انا لازم اخلي الخير ينبت بكل مكان اقدر اسوي فيه شي :)
تأملت و سرحت بعييييييد بالمنظر
و قلت بيني و بين نفسي
انا الحين ويني ؟؟
بأمريكا
بآخر الدنيا
شنو اقدر اسوي ؟؟
و بعد تفكير طالت مدته
اكتشفت ان اللي يبي يسوي شي حتى لو كان بحفرة يسويه
الانجاز تحقيقه سهل متى ما كانت الاراده موجوده
----
عقب الغدا راح ابونا ينام
و نومت ولدي بعد قلت بجابل النت شوي بحوووس و بفتر من سايت لي سايت ثااني
و كنت اكلم رفيجاتي بالكويت
وحده قريبه مني حييييييييل حييييييل
اهيه اول انسانه حطيت اسمى اهدافي معاها
اول انسانه خططت معاها احلامي
اول انسانه فجرت لها كل طاقاتي
دزتلي لنك
شفته
انصدمت
لقيت ان اللنك عباره عن مشروع ناس مسوينه !!
و انا اقرا و اشووووف
دمعت عيني
بجيييت
لان المشروع
بيوم من الايام انا معاها بدينا فيه
رسمنا
و خططنا
و حددنا كل اهدافنا
بدينا بالشغل و سوينا شي كنا نحلم فيه
بس
ما كملنا
و بقايا مشروعنا موجوده لي يومنا هذا
تذكرت كل شي سويناه
و كل حلم رسمناه مع بعض
تذكرت ردود فعل الناس و شلون حققنا النجاح ببداية مشروعنا
دمعت عيني لاني ولهت على هالايام
ولهت على نفسي قبل جم سنه
بيني و بين نفسي دعيت ربي ان يقدرني احقق اهدافي
و ان يزرع بقلبي الاراده و الاصرار
نصيحه
اللي عنده مشروع خل يبدي فيه من غير لا يتردد
بس يتوكل على الله و يخطط صح
اللي عنده هدف خل يتمسك فيه لي اخر لحظه بحياته
اللي عنده طاقه يستغلهااا
اللي عنده وقت يستثمره بتحقيق كل احلامه
:)
هناك 7 تعليقات:
بالطبع انكِ تعرفين من اكون !
و تعرفين مشاعري !
و تعرفين كل احاسيسي التي تبض فيني !
تتوقف كلماتي عن الرد !
الى الان ..
بقايا مشروعنا في اركان المخزن !
دولاب امتلأت به الاغراض !
اراه و يعتصرني الألم ..
هناك امور قد اكل الدهر عليها و شرب !
لكن الى الان لا استطيع ان ارمي اي جزء منه !
على الرغم من كرهي للفراق !
و الم البعد ..
الا ان كانت هذه الغربة ستكون سببا في عودتك الى روحك الحالمة و نشاطك المتميز ..
سأتقبلها..
بل سأحبها ..
بانتظار عودتك الى ارض الوطن ..
فلا يوجد للأيام معنى من دونك..
اختي وحبييبتي
كل اللي بقولج اياه
اني بانتظار مشروعج على احر من الجمر
:)
الدنيا بسرعة تاخذنا
بسرعة نلهى
ياكثر المشاريع اللي نخطط لها وماتوشف النور
وياكثر الاشياء اللي بديت فيها ووقفت بنص الطريج
بس بقولج دام عندج الايد اللي تسندج وتساعدج كملي
كملي
كملي
وانا ناطرتج بكل شوووقي
:**
الغربه ...........
ااااااه يالغربه
اتمنى لج التوفيق والصبر
F
انا بعد راح احب الغربه اذا صج غيرت فيني و خلتني اشوف الحياة بنظرة ثانيه :)
مشكوووووره :)
عايشه
ان شالله :) ربي يقدرني :)
شكرااا لج عواشه :)
كويتاوي :) اي والله اااه عالغربه
ربي يعيينا ان شاءالله
شكراااا
عاد انا وبنت خالتي تونا بادييين مشروع
كلامج شجعني وايد :))
why me
ونااااسه :) كملي و انتي كلج ثقه ان مشروعج بينجح بإذن الله
لا تتخلين عن اهدافج حتى لو كنتي توج بالبداية
و خليها انطلاقة نحو التميز :)
عسى ربي يكتبلج اللي فيه الخير و يوفقج انتي و بنت خالتج بمشروعكم :)
عسى الله يوفقج و يعطيج كل اللي تتمنينه و تتحقق كل اهدافج بإذن الله
اليوم اول مرة ادخل مدونتج و الصراحة استانست عليها حيل
الى الامام
:)
إرسال تعليق